Ndryshime në kupolën drejtuese të SHISH, Rama firmos ndryshimet

Kryeministri ka shkarkuar nga detyra Inspektorin e Përgjithshëm të Shërbimit Informativ të Shtetit.

Referuar vendimit, nga dita e sotme Suela Bedeni nuk do të mbajë më këtë detyrë. Bedeni mbante detyrën e Inspektorit të Përgjithshëm të SHISH nga momenti që Edi Rama mori detyrën e Kryeministrit në vitin 2013.

Në mbledhjen e Qeverisë drejtuar nga zëvendëskryeministrja Belinda Balluku, është emëruar Blend Çobani si Inspektor i Përgjithshëm i Shërbimit Informativ të Shtetit dhe se vendimi hyn në fuqi menjëherë. Çobani, sipas raportimeve, me profesion jurist, ka qenë pjesë e SHISH prej disa vitesh.

LIRIMIN DHE EMËRIMIN NË DETYRË TË INSPEKTORIT TË PËRGJITHSHËM TË SHËRBIMIT INFORMATIV TË SHTETIT

Në mbështetje të nenit 100 të Kushtetutës dhe të nenit 12, të ligjit nr.8391, datë 28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave

V E N D O S I:

1. Znj. Suela Bedeni, inspektor i Përgjithshëm i Shërbimit Informativ të Shtetit, lirohet nga kjo detyrë.

2. Z. Blend Çobani emërohet inspektor i Përgjithshëm i Shërbimit Informativ të Shtetit.

Ky vendim hyn në fuqi menjëherë.