Policia e Shtetit është përfshirë nga ndryshimet, vetëm 1 javë pasi Taulant Balla u emërua në postin e Ministrit të Brendshëm.
Kështu raportohet se Arben Dashi është emëruar Drejtor i Krimeve në Volum (strukturë e re), Departamenti i Sigurisë Publike. Më parë Dashi ka drejtuar Policinë e Kukësit.
Gjithashtu, Vilson Bala është emëruar Drejtor i Forcave të Posaçme Operacionale, duke zëvenësuar Oltion Bistrin.
Ndërkohë, Lutfi Minxhozi është emëruar drejtues i zyrës së Europol, Departamenti i Marrëdhënieve Ndërkombëtare, në Policinë e Shtetit.
Drejtorinë e Policisë së Kukësit do e drejtojë Artan Bajraktari, ndërsa shef i Komisariatit nr 6 në Tiranë do të jetë Edvin Ndreu, i cili zëvendëson Vilson Balën.
Oltion Bistri ka kaluar si specialist në Drejtorinë e Krimeve në Policinë e Shtetit, ndërsa drejtonte më parë forcat operacionale.
Ndryshimet në Policinë e Shtetit:
Vilson Bala – Drejtor i Forcës së Posaçme Operacionale në Departamentin e Policisë Kriminale.
Arben Dashi – Drejtor i Krimeve në Volum në Departamenti i Sigurisë Publike, me strukturën e re.
Edvin Ndreu, Shef, Komisariati nr. 6
Artan Bajraktari, Drejtor i DVP Kukës
Oli Bistri, specialist të Drejtoria e Krimeve në Volum.
Lutfi Minxhozi, Drejtor i Europol në Policinë e Shtetit.
Discussion about this post