Drejtori i Përgjithshëm i Policës së Shtetit ka zhvilluar sot një takim me drejtorët e degëve dhe ministrin Çuçi, ku janë evidentuar problematikat e fundit. Teksa po fliste për mediat ai u pyet nga gazetarët nëse do të kemi ndryshime apo shkarkime në radhët e policisë.
Ai tha se ndryshime bëhen sa herë të jetë e nevojshme për cilësinë e këtij institucioni, duke mos mohuar që pas problematikave të evidentuara sot mund të kemi ndryshime. “Ndryshimet nuk bëhen me faza, por për të rritur performancën. Sa herë do të ketë nevojë policia do të ketë ndryshme për të arritur rezultatet dhe objektivat që na presin”, tha ai.
Ndërkohë edhe ministri Çuçi nuk pak para tij kërkoi që të mos ketë më asnjë tolerim ndaj efektivëve të cilët nuk bëjnë di duhet punën e tyre.
Discussion about this post