Guri Seferi, numri dy i IKMT në vend është komanduar këtë të hënë në krye të IKMT së Shkodrës. Gazetari Simon Shkreli bën me dije për ABC se sot në këtë post pritej të merrte detyrën 25-vjeçari Serdar Hoxha por në momentin e fundit është bërë një ndryshim.
Një javë më parë, u largua nga ky pozicion Ilir Niklekaj, i cili dha dorëheqjen nga ky pozicion dhe u emërua Serdar Hoxha, 25 vjeçari i cili kandidoi nën siglën e PSD në zgjedhjet e 25 Prillit.
Burimet bëjnë me dije se emërimi i tij është shtyrë për shkak të aksionit kombëtar të IKMT dhe për këtë arsye në Shkodër është sjellë numri 2 i IKMT-së të Shqipërisë për rëndesinë që ka qarku i Shkodrës.
