Kreu i Grupit Parlamentar të PD-së, Enkelejd Alibeaj ka komentuar sot në foltoren e Kuvendit, rrëzimin e kërkesës së tij për debat në seancën ku do të votohen ndryshimet në qeveri. Alibeaj, tha se sot qeveria po i heq shqiptarëve të drejtën për të njohur ministrat që do t’i qeverisin. Më tej, Alibeaj tha se është e patolerueshme që Kuvendi të bëhet privat.
“Kam 3 ditë qe kam paraqitur një kërkesë që kjo seancë të zhvillohet me debat. Ajo çfarë do të diskutohet sot është shkarkimi dhe emërimi i ministrave. Sot po iu hiqni të drejtën shqiptarëve për të ditur se kujt do t’i qeverisë. Sa herë që ka kërkesa për ndryshime ligjore, dhe për çështjet më të rëndësishme, ju na hiqni të drejtën e fjalës. Që parlamenti të bëhet privat është e patolerueshme.”
Discussion about this post