Ndryshimet e fundit në Qeveri, për akademikun Artan Fuga, janë një marrje masash nga Kryeministrit Edi Rama, që kabineti qeveritar të mos preket nga hetimet e SPAK.
Për rubrikën “Opinion”, Fuga tha se Edi Rama i ka treguar ministrave se posti i tyre nuk mund të zgjasë sa mandati i tij.
“Zoti kryeministër kërkonte disa objektiva. Në momentin që paralajmëron dy muaj para që do bëjë ndryshime jep adrenalinë te ministrat, druajtje, frikë ankthe dhe pra i nxjerr nga gjumi apo nga rutina e përditshme. Pra ju tregon se asnjë nga ju nuk është këtu që të mendojë se postin e ka deri sa të jetë mandati im.
Pra ai jep njëlloj shprese për karrierë apo për poste të tjera. Dhe tjetra, ai arriti dhe dëshiron që të ekuilibrojë pak stanjacionin e postit të kryeministrit që ka vetë ai. Këtë lloj rutine që edhe njerëzit e dinë përpiqet ta ekuilibrojë me ndryshime të tjera që i paraqet si dramatike, por që nuk janë.
Pikërisht që të ekuilibrojë stanjacionin në postin e kryeministrit. Sigurisht ai mori të gjitha masat që të gjitha degët e qeverisë që sipas informacioneve të tij mund të preken nga hetime të SPAK ai t’i krasisë.
Por që të hapi vend për të tjerë që çfarëdo hetimi të zgjerojë SPAK qeveria të mos preket nga hetime konkrete sepse sigurisht nuk do të donte që një kryeministër të shkojë në zyrat e SPAK dhe e gjithë media t’i turret qeverisë. Të gjitha këto ai përpiqet t’i inkuadrojë kur opozita ndodhet në krizën tjetër”, u shpreh Fuga.
Discussion about this post