Që kur Komisioni i Rithemelimit është transferuar në selinë e Partisë Demokratike, janë bërë disa ndryshime në fasadën e saj si dhe në zyrat brenda. Në një foto të dalë në media, shihen edhe ndryshimet që i janë bërë edhe zyrës së ish-kryetarit të PD-së, Lulzim Basha, e cila është kthyer në një zyrë mbledhjesh.
Këto ndryshime i ka ironizuar, deputeti Gazment Bardhi ka ironizuar ndryshimin e vendosjes së karrige në PD nga ana e Komisionit të Rithemelimit. Ai shkruan se Edi Rama ndjehet i tmerruar se ka kuptuar që po i vjen fundi dhe se rëndësi ka që është zbuluar një kulak të ri, që quhet Enkelejd Alibeaj.
“Lajme nga “opozita” e vërtetë: Ndërkohë SHBA ka pranuar masakrën zgjedhore të 25 Prillit, blerjen e votova nga krimi i organizuar për llogari të Edi Ramës, “opozita” e vërtetë është e zënë me karriget dhe nuk ka kohë të reagojë. Pas fotove të shumta në zyrat e PD, vendosjes së karrigeve dhe pozicionit të ri të tavolinave në zyrën e Kryetarit, Edi Rama ndjehet i tmerruar se ka kuptuar që po i vjen fundi. Rëndësi ka që kemi zbuluar një kulak të ri, quhet Enkelejd Alibeaj” – shkruan dhe Bardhi.
Discussion about this post