Kryetari i Partisë së Lirisë, Ilir Meta ka reaguar sot për vendimin e maxhorancës socialiste për të ndryshuar vetëm më votat e majta, rregulloren e Kuvendit të Shqipërisë, e cila parashikon ndëshkime nga 30 deri ne 60 ditë për deputetët që bllokojnë punimet e seancave plenare.
Sipas Metës ndryshimi i njëanshëm i Rregullores së Kuvendit, i bërë në mënyrë arbitrare, synon asgjësimin e opozitës dhe parlamentarizmin.
Për ish-Presidentin vetëm plotësimi i kërkesave të opozitës do të rikthejë normalitetin në Kuvend.
“Ndryshimet e njëanshme të Rregullores së Kuvendit të bëra në mënyrë arbitrare dhe përjashtuese synojnë asgjësimin e opozitës dhe parlamentarizmit.
Ndaj pezullimi i mandateve të deputetëve në këtë mënyrë antikushtetuese është i papranueshëm.
Vetëm plotësimi i kërkesave të opozitës rikthen normalitetin në Kuvend dhe garanton rolin e tij kontrollues ndaj qeverisë”, u shpreh Meta.
Discussion about this post