Pas përfundimit të ndeshjeve të Kombëtares këtë javë do të rikthehen ndeshjet e Kupës së Shqipërisë.
Ndeshja e kthimit për raundin e 1/8 mes Tiranës dhe Dinamos do të zhvillohet në ‘Air Albania’, ndërsa data e këtij takimi është ndryshuar.
Ky lajm është konfirmuar nga klubi i ‘Bardhebluve’ të kryeqytetit në një postim në rrjetet sociale, ku mbi të gjitha bën me dije edhe se biletat e kësaj ndeshjeje kanë dalë në shitje.
‘Kupa e Shqipërisë- Ndeshja e radhës: Luhet të Enjten, datë 18/11/2021, ora 19:45 në stadiumin “Air Albania” ndeshja KF Tirana-FK Dinamo e vlefshme për turin e dytë të Kupës së Shqipërisë. Biletat e takimit mund ti gjeni pranë biletarisë në stadiumin “Selman Stërmasi”.’-shkruhet në postimin e Tiranës.
Kjo është ndeshja e tretë që zhvillohet mes këtyre dy skuadrave në dy javët e fundit, takimi i parë ishte për kupën dhe u fitua nga ‘Blutë’ me rezultatin 2-0, ndërsa përballja e dytë u fitua nga ‘Bardheblutë’ me rezultatin e thellë 4-0./K.T/Gijotina.com
Discussion about this post