Kryeministri Edi Rama ka njoftuar se çmimi i naftës për datat 16 deri në 21 mars do të jetë 203 lekë për litër, nga 211 lekë që ka qenë deri pak minuta më parë. Rama ka shpërndarë njoftimin e Bordit për Menaxhimin e Naftës në Facebook, ku njofton ndryshimin, ndërsa vetë Bordi ka deklaruar se benzina do shitet me 206 lekë, dhe gazi mbetet i pandryshuar me 93 lekë për litër.
Megjithëse çmimi i naftës në bursa ka rënë djeshëm duke arritur në 97 dollarë për fuçi, ulja në vendin tonë po reflektohet shumë ngadalë. Nëse do të krahasonim periudhat dhe çmimin e naftës në bursa, do të duhej që ai të zbriste nën 200 lekë/ litri në Shqipëri për të parë një stabilizim të situatës.
Gjithashtu, në media qarkullojnë lajme se ka nga ata tregtarë të naftës që nuk po pasqyrojnë shifrat e Bordit në treg duke e shitur naftën me çmime më të larta. Kujtojmë se në fillimet e saj, kur nafta arriri shifra rekord në 260 lekë, Rama u justifikua duke thënë se çmimet i vendos tregu dhe qeveria nuk ndërhyn, por pas shpërthimit të protestave masive në të gjithë vendin, qeveria ndërhyri duke faktuar implikimin e saj.
Discussion about this post