Qeveria ka vendosur që të ndryshojë skemën e mbështetjes së ndërmarrjeve të vogla e të mesme. Për këtë arsye është duke u hartuar një strategji e re e cila do të hyjë në fuqi gjatë viti 2022. Në këtë kuadër, parashikon ngritja e një këshilli që kryesohet nga ministri I Financave dhe Ekonomisë dhe që do të përbëhet nga 18 anëtarë me eksperiencë pune jo më pak se 5 vite në fushën e ekonomisë dhe në mbështetjen e zhvillimit të biznesit.
Sipas projektit paraprak të publikuar për konsultim publik, anëtarët e Këshillit emërohen me urdhër të ministrit, pas propozimit nga institucionet apo organizatat biznesit për një mandat 3-vjeçar, me të drejtë riemërimi. Nga viti 2022 do të vihet në zbatim një skemë e re për mënyrën se si do të ndahet mbështetja nga buxheti i shtetit, apo financimi nga partnerët ndërkombëtar. Sakaq, bëhet me dije se do të krijohet portali elektronik posaçërisht për këtë punë.
Projektligji përcakton detyrimin e Agjencisë Shqiptare të Zhvillimit të Investimeve për të administruar një portal elektronik për instrumentet financiare të krijuara me fonde nga buxheti i shtetit dhe me donatorë. Çdo institucion, që ofron mbështetje financiare për ndërmarrjet mikro, të vogla dhe të mesme ngarkohet që brenda 5 ditëve përpara fillimit të zbatimit të skemës të paraqesë një informacion pranë AIDA-s. Më këtë projektligj sigurohet dhënia e mbështetjes shtetërore nëpërmjet ofrimit të shërbimeve mbështetëse që do të konsistojë në: sigurimin e informacionit; këshillimin; zhvillimin e biznesit; trajnimin; zhvillimin profesional apo ritrajnimin; dhënien e shërbimeve metodologjike për ndërmarrjet dhe personat fizikë që synojnë të krijojnë një ndërmarrje; çdo informacion tjetër për mbështetjen dhe zhvillimin e ndërmarrjeve.
Në vitin 2022 janë parashikuar kosto, gjithsej, 51 500 000 lekë, e cila përfshin grante 50 000 000 lekë, krijimin dhe funksionimin e sektorit të trajnimit 1 500 000 lekë. Në vitin 2023 janë parashikuar kosto, gjithsej, 53 000 000 lekë, e cila përfshin grante 50 000 000 lekë, funksionimin e sektorit të trajnimit në shumën 3 000 000 lekë. Në vitin 2024 janë parashikuar kosto, gjithsej, 53 000 000 lekë, e cila përfshin grante 50 000 000 lekë, funksionimin e sektorit të trajnimit në shumën 3 000 000 lekë.
Discussion about this post