SPAK ka goditur një rast korrupsioni me vlerë 2 mijë euro. Dy persona janë vënë në pranga pasi kanë ndryshuar konstatimin fillestar të ekspertizës së shtëpisë së prekur nga tërmeti, duke dhënë një tjetër version gjatë analizës së thelluar me qëllim rritjen e klasifikimit të dëmeve, duke paguar për këtë akt shumën prej 2000 (dymijë) euro.
Në fakt banesa për të cilën bëhet fjalë rezultonte e shembur nga me parë nga IKMT-ja si pasojë e shpronësimit për interes publik me kërkesë të OST-së.
Nga provat e deritanishme ka dyshime se Arlind Muxhiu dhe Fatjon Haxhiu kanë bashkëpunuar me punonjësit e Institutit të Ndërtimit, Njësisë Administrative Petrelë në varësi të Bashkisë Tiranë.
Ata e kanë paraqitur banesën si të dëmtuar nga tërmeti me qëllim për të përfituar nga granti i ri ndërtimit. Në kryerjen e këtyre veprimeve ata janë ndihmuar nga funksionarë të Njësisë Administrative Petrelë, njësi e cila nuk ka vendosur skualifikimin e subjektit, por ka përcjellë praktikën përkatëse për këtë subjekt pranë Bashkisë Tiranë, me qëllim përfitimin në fillim të grantit dhe më pas të lejes së ndërtimit.
GJKKO ka caktuar masën arrest me burg për shtetasin Arlind Muxhiu dhe Fatjon Haxhiu, pasi kanë ushtruar ndikim të paligjshëm nga personave që ushtrojnë funksione publike.
Policia ka arrestuar ekspertin e IKMT, Dhimitër Papa, ka lënë në arrest shtëpie kolegun e tij Kristaq Kali, ka arrestuar shtetasit Fatjon Haxhiu dhe Arlind Muxhiu, si dhe ka dhënë masë e detyrimit të paraqitjes për Sokol Kupin, administror i Petrelës.
Discussion about this post