Problemi me pronat po vazhdon të jetë një kalvar i gjatë zvarritjesh për shqiptarët, që duket se nuk do të marrë fund kurrë. Vendimi Gjykatës për kthyer pas ligjin për pronar dhe reformimin e tij ka krijuar një kaos në procesin e kompensimit të pronarëve. Pakënaqësitë dhe problematikat sa vijnë dhe shtohen, kjo ka bërë që qindra qytetarë të ngrenë padi ndaj Agjencisë së Pronave.
Sipas të dhënave të saj zyrtare të publikuara nga vetë ATP, 49 padi kundër saj janë ngritur nga pronarët nëpër gjykata vetëm gjatë muajit prill. Flukse të larta padish janë shënuar edhe gjatë muajve të mëparshëm: 29 në mars, 56 në shkurt dhe 31 në janar, duke e çuar kështu në 165 numrin total të ankimimeve në rrugë gjyqësore të vendimeve të saj.
Numri i padive është pak a shumë i njëjtë me atë të një viti më parë , kur sektori i përfaqësimit ligjor ka ankimuar mbi 800 vendime, ndërkohë që planifikonte të mbyllte 1 mijë. Sipas të dhënave zyrtare të vetë Agjencisë, gjatë vitit të shkuar Sektori i përfaqësimit ligjor ka mbyllur 844 “Vendime të Ankimuara” në të gjitha gjykatat e vendit, ndërkohë që po në këtë periudhë janë depozituar 732 padi në të gjitha gjykatat e vendit, në gjykatat e rretheve, në gjykatat e apelit, në gjykatat administrative të shkallës së parë dhe në apelin administrative.
Ndërkohë që ndryshimet e sapomiratuara nga Ministria e Drejtësisë në Ligjin e Pronave, pritet të sjellin rritje të mëtejshme të padive ndaj Agjencisë, për shkak se ato reduktojnë edhe më tej vlerat e kompensimeve që përfitojnë pronarët. Ndryshimet në fjalë erdhën si pasojë e shfuqizimit të dy neneve të Ligjit për Trajtimin e Pronës nga Gjykata Kushtetuese në shkurt të vitit 2021, dhe një detyrimi nga Gjykata e Strasburgut që pronarët të kompensohen me jo më pak se 10% e vlerës reale të pronës.
Ndërkohë që shoqatat e pronarëve paralajmërojnë se ndryshimet e sapomiratuara nga Ministria e Drejtësisë e ulin vlerën e kompensimit nën kufirin prej 10% të vendosur nga Strasburgu, shkak për të cilin do ta dërgojnë përsëri Ligjin në Kushtetuese.
Discussion about this post