Pak muaj më parë Dj i njohur shqiptar Sardi Shehu dhe partnerja e tij Jonisa Sinorukaj, u bënë prindër për herë të parë. Ata mirëpritën një djalë që e quajtën Zais Denzel Shehu.
Artisti është përpjekur të jetë goxha hermetik në lidhje me jetë ne tij personale ku nuk e ekspozon shumë në rrjetet sociale ku më shumë sjell për ndjekësit e tij imazhe nga jeta profesionale. Mirëpo ditën e sotme Sardi ka shkrirë zemrat e të gjithëve me foton e fundit ku shfaqet me djalin e tij duke e mbajtur në krahë teksa të dy duken dhe shumë të qeshur. Si rrallë herë Dj ka publikuar dhe portretin e Denzel, i cili ka mbushur plot 4 muaj. Krahas fotos ai ka bërë dhe dedikimin me fjalët më të ëmbla për të birin.
“Jam mirënjohës për çdo buzëqeshje qe ti më jep, çdo të qeshur që bën dhe sa herë që më mban gishtin. Gezuar 4 mujorin Zais Denzel, babi të don shumë.”
Kujtojmë se në një intervistë të dhënë së fundmi ai foli më shumë për prindërimin. Duke u ndalur te emri i djalit Sardi është shprehur se Zays është emri i zgjedhur nga ai dhe partnerja, kurse Denzel është vendosur nga kumbari, Alesio Alia.
“Atëherë nuni i djalit është Alesio Alia. Kemi pasur disa emra dhe duke parë sa i veçantë është zgjodhëm këtë: Zais Denzel. Nuk kishim zgjidhje tjetër, sepse babi Sardi, mami Jonisa, imagjino djali duhej një emër i veçantë. Kemi patur disa alternative, por zgjodhëm këtë sepse sikur s’ishte dëgjuar, nuk ishte përdorur më parë. Alesio i vuri Denzel, emrin e pagëzimit. Ne kishim qejf Zayn, pastaj Zays. Kishim shumë mendime. Kur na vinin emra sugjerime mendonim prit se kishim Zays dhe ishte unikë. Djali më ngjan mua.”
Sardi tregoi se i është dashur të largohet nga Shqipëria që kur djali i tij ishte vetëm 11 ditësh për shkak të punës. Ai e përshkroi si shumë të vështirë ndarjen nga i biri për një muaj pasi udhëtoi drejt Australisë por shtoi se Jonisa e ka ndihmuar shumë. “Gjithë bota mu shemb para tij”, kështu e ka përshkuar Sardi momentin kur mori të birin në krah, duke thënë se ishte ndjesia më e veçantë që e kuptoi vetëm kur e provoi.
Discussion about this post