Real Madridi vazhdon të kërkojë në merkato në kërkim të përforcimeve për skuadrën. Në Angli, qarkullojnë zëra se edhe një herë klubi mbretëror po synon blerjen e tij e futbollistit kampion të Europës me një klub të Premier League.
Në Santiago Bernabeu ata duan të vazhdojnë të forcojnë skuadrën e tyre, por mbi të gjitha, në repartin e tyre sulmues. Joselu do të jetë nënshkrimi i radhës që do t’i bashkohet sulmit të Madridit, por pritet që të mos jetë i fundit.
Në fakt, nga Anglia bëjnë me dije që Real Madridi interesohet sërish për shërbimet e Roberto Firmino, sulmuesi i Liverpool, që shihet sërish si i duhuri, sipas mediave ishullore, për të përforcuar skuadrën merengue.
Sulmuesi brazilian është larguar nga “The Reds” pas përfundimit të kontratës në këtë muaj qershor. Do të thotë, Firimino do të mbërrinte me kosto zero, pasi aktualisht është lojtar i lirë dhe ende, nuk ka gjetur një klub ku mund të luajë sezonin e ardhshëm.
Në Angli thonë se Real Madridi ka rikthyer interesin për brazilianin dhe se emri i tij po qarkullon sërish në zyrën e Florentino Perez. Duhet thënë se ardhja e tij në Bernabeu, deri tani, duket e pamundur.
Joselu është bashkuar me të njëjtat kushte me të cilat thuhet se mund të vijë edhe sulmuesi nga Rio de Zhaneiros, pra si sulmues zëvendësues.
Kjo sugjeron se ideja për të nënshkruar me Roberto Firmino është më shumë një thashethem, pasi nënshkrimi i Joselu e eklipson atë plotësisht.
Discussion about this post