E ardhmja e Cristiano Ronaldos vazhdon të diskutohet, teksa numërimi mbrapsht për ndeshjet në “Old Trafford” ka nisur.
Në Angli janë të sigurt, se Ronaldo do të rikthehet në Serie A. Sipas asaj që raporton “The Sun”, ylli portugez do ta dëshironte një kalim sërish në Serinë A me Napolin, që është ende i interesuar për 5 herë fituesin e “Topit të Artë”.
Edhe pse u fol se Chelsea do ta joshte luzitanin për një kalim të mundshëm në muajin janar, ende nuk ka asnjë ofertë konkrete për sulmuesin 37-vjeçar, të cilit me Manchester Uniteds i skadon kontrata më 30 qershor 2023.
Aktualisht, me fanellën e djajve në Premier League, ish-sulmuesi i Realit është aktivizuar në 8 ndeshje duke shënuar dhe 1 gol.
Vlen të theksohet se në Itali, Ronaldo u aktivizua me Juventusin gjatë sezoneve 2018 deri në 2021, ku arriti të fitonte 2 tituj kampionë, 1 Kupë të Italisë dhe 2 Superkupa të Italisë.
Discussion about this post