Në arrest shtëpie, Berisha kërkon të marrë pjesë në Kuvend

Ish-kryeministri, Sali Berisha, i cili ndodhet në “arrest shtëpie” ka kërkuar leje që të dalë nga shtëpia për të shkuar në Kuvend.

Avokatët e liderit të opozitës Sali Berisha i janë drejtuar me një kërkesë prokurorëve të SPAK, për ta lejuar të marrë pjesë në seancat plenare të Kuvendit.

Ata argumentojnë se kjo është një e drejtë dhe detyrim kushtetues për të përmbushur detyrën si ligjvënës.

Kërkesë është bërë dje, më 15 janar, ndërsa mbetet në vendimmarrjen e prokurorëve Arben Kraja e Enkeleda Millonai për të pranuar ose jo kërkesën.