Policia në Kavajë ka vënë në pranga Marisda Qatja 33 vjeçe, i cila është dënuar me 2 vite burg. Sipas policisë, në vitin 2019, Qatja ka përshtatur për përdorim droge, një ambient, në të cilën, për shkak të konsumimit të lëndëve narkotike, ka humbur jetën një shtetas.
“Gjatë operacionit policor të koduar “Plazhi”, u kap dhe u ndalua shtetasja në kërkim Marsida Qatja, 33 vjeçe, banuese në Kavajë, e dënuar me 2 vjet burgim, për veprën penale “Përshtatja e lokalit për përdorim droge”.
Në vitin 2019, kjo shtetase ka përshtatur për përdorim droge, një ambient, në të cilën, për shkak të konsumimit të lëndëve narkotike, ka humbur jetën një shtetas”, thotë policia.
Ndërkohë materialet i kaluan Prokurorisë, për veprime të mëtejshme procedurale.
Çfarë ndodhi në vitin 2019?
Në mbrëmjen e datës 09.10.2019 shtetasi Bledar Toci ka shkuar në banesën e Marisda Qatjas dhe ka qëndruar së bashku me të, në prani edhe të dy personave të tjerë, qe ishin shokë dhe njëherësh fqinj të Marsidës.
Rreth orës 23:30 tek banesa e shtetases Marsida Qatja ka shkuar shtetasi Dritan Haxholli, i cili ka pasur me vete edhe një arme zjarri automatik dhe me qytën e armës ka goditur dritaren e kuzhinës së banesës së saj. Në këto kushte, Marsida ka komunikuar me të dhe e ka ftuar të vinte brenda për t’u sqaruar.
Sapo ka hapur derën e banesës së saj, Dritani është futur me armë në dorë dhe ka konstatuar se në banesë ndodhej shtetasi Bledar Toci.
Dritan Haxholli ka qëlluar me armë në drejtim të tij, duke plagosur atë. Bledari ka nxjerre pistoletën që kishte me vete, ka shkëmbyer zjarr me shtetasin Dritan Haxholli, i cili ka mbetur i vdekur.
Discussion about this post