Kryetari i Partisë Demokratike, Lulzim Basha e sheh si mundësi të artë alternativën që PD i ofroi qytetarëve më 25 prill. Por edhe pse një mundësi të humbur, Basha foli sërish për masakrën zgjedhore të 25 prillit.
Në përfundim të takimit që pati me ministrin gjerman, Michael Roth në selinë blu, Lulzim Basha tha se i ka kërkuar ministrit që të denonconte blerjen e votave. Basha tha se opozita ka bërë gjithçka që ka pasur në dorë për integrimin.
Lulzim Basha: Pata kënaqësinë të pres Michael Roth. E informova mbi masakrën zgjedhore të 25 prillit. Shqipëria humbi një mundësi të artë për demokracinë por edhe për të ecur përpara me integrimin e vendit. Për mua, për PD, nuk ka mundësi më të mirë për të ndryshuar vendin sesa procesi integrimit evropian. Ky është një proces i bazuar në arritje dhe merita. Për fat të keq, siç e keni parë nga rezoluta e Bundestagut, Shqipëria ka ngelur në vend numëro me kushtet e vendosura të cilat janë rënduar edhe më shumë me 25 prillin.
Ne bëmë çdo gjë që kishim në dorën tonë duke nisur nga konsensusi për Reformën në Drejtësi tek Reforma Zgjedhore. I kërkova Roth është të flasin dhe të denoncojnë masakrën e 25 prillit, para se të jetë shumë vonë për demokracinë, që e njëjta situatë të mos ndodhë dhe Shqipëria të mos jetë e mbushur me kriminelë në Parlament dhe drogë.
