“E bëre baltë fare”, Noka përplaset me Koçin: Ju të merrni jetën…

Deputetët Petro Koçi (PS) dhe Flamur Noka (PD) janë përshfirë në një debat, teksa opozita protestoi sot në Kuvend duke bllokuar punimet e seancës.

Dy deputetët janë përplasur në studion e News24, lidhur me atë se si duhet të reagojë opozita kur i mohohen të drejtat kushtetuese, sikundër është bllokimi nga mazhoranca i Komisioneve Hetimore.

Pjesë nga debati:

Noka: Grupi parlamentar i PD zyrtarisht ka paraqitur listën për komisionin e reformës zgjedhore. Ju njihni një nga pengjet tuaja si përfaqësues tonin. Bashkë me kryetarin tuaj ka bërë pazarin. A mund të përfaqësojë një njeri që ju e keni peng.

Koçi: Shqetësimin që ngre Noka e quaj legjitim, por përgjigjen nuk ta jep kryesia e kuvendit, por gjykata se kush është përfaqësuesi i PD-së.

Noka: Kë njeh regjimi yt si kryetar të grupit parlamentar? Gaz Bardhi është zyrtarisht kryetari. Të gjithë deputetët njihen në listën zyrtare.

Koçi: Grupi që përfaqëson Noka është shumicë, por kanë një problem.

Noka: Shteti yt njeh Gazment Bardhin kryetar grupi. Opozita ka të drejtë të caktojë bashkëkryetarin, jo të na i caktojë Edi Rama.

Koçi: Na akuzoni se ju marrim fjalën, por ti po më bllokon mua fjalën.

Noka: Shyqyr që na hap News24 se të jeni ju të merrni edhe jetën, e keni me pikëpyetje edhe atë. Ke emëruar atë që ti do të quash opozitë. Këtu ka hendek.

Koçi: Ta mbarojmë se nuk do rrimë gjithë ditën me zotin Noka. Nuk do e zgjidhni kurrë problemin nëse fajësoni Edi Ramën për atë që ju ndodh. Bëj një intervistë më vete dhe fol më mirë.