Kreu i Partisë Demokratike tha se pas 11 majit, duke nënkuptuar fitoren e tij në zgjedhjet parlamentare, ai do të ekstradojë në SHBA, Edi Ramën
Berisha tha se ish-zyrtari i lartë i FBI -së, Charles McGonigal ka qenë në Prokurorinë e Posaçme dhe ka takuar disa prokurorë të rëndësishëm me qëllim për ta arrestuar atë.
“McGonigal kishte shkuar në kryeministri, erdhi këtu mori dosjet dhe shkoi te Rama dhe atje po bën pazaret e fundit. Mund t’u them këtu se pas 11 majit do të ekstradohet menjëherë SHBA. Për derisa sa këta këtu nuk guxojnë t’i japin atë që meriton atëherë qeveria shqiptare do bëjë kërkesë për ekstradimin e tij në Amerikë”, tha ai.
Berisha u shpreh i bindur se në Bruksel do të shkojë si fitimtar i zgjedhjeve të 11 Majit dhe atje do të japë shembullin se betejat për liri nuk humbasin kurrë.
“Lidhur me udhëtimin tim në Bruksel unë do të shkoj fitimtar atje.
Letra ka disa vlerësime të qarta aty se pse është ftuar Berisha në IDU. IDU është unioni demokrat ndërkombëtar dhe unë do shkoj atje pa diskutim edhe për të dhënë lajmin e triumfit të PD-së në zgjedhjet e 11 majit, për të dhënë edhe shembullin dhe praktikat se betejat për liri nuk humbasin kurrë…
…Lidhur me Elon Musk po bëhet një parapërgatitje për të qëmtuar se ku janë dhjetëra miliardë euro, ku i çoi Edi Rama, Lubi Balluku, etj. Ky do jetë një grup, në kuptimin e betejës është një grup që do merret me këtë betejë, kurse individë si Musk, nëna të dytë nuk bën”, tha Berisha.
Gjithashtu, ai garantoi se Ilir Meta do të jetë kandidat në listat e mbyllura, ndryshe nga sa vetë presidenti i Partisë së Lirisë ka kërkuar që të jetë në listat e hapura
Në një prononcim për medjan Berisha tha se Meta nuk mund të bëjë fushatë nga burgu dhe kjo është arsyeja që ai do të refuzojë propozimin e Metës dhe do e përfshijë direkt në listat e mbyllura.
Discussion about this post