Gazetari investigativ Artan Hoxha, për media u shpreh se Arben Ahmetaj nuk do të kthehet që të përballet me drejtësinë në Shqipëri. Për të, kush dorëzohet në burg që të luftojë pushtetin, e ka të humbur çështjen. Ndër të tjera ai u shpreh se Ahmetajt nuk i intereson që të flasë, por që të çojë mesazhe që ai edhe mund të flasë nëse kalohet masa.
“Në momentin kur vihesh nën masë sigurie, nuk ke shans të negociosh gjë përveç pjatës së supës atje brenda. Kushdo që ka qenë edhe një ditë të vetme në burg, e di se ça është atje brenda. Se është diçka tjetër nga kjo bota reale që kemi ne këtu. Kush vendos që të dorëzohet në burg dhe nga burgu të luftojë me pushtetin, e ka të humbur davanë. Jo vetëm politikanë, por edhe në nivele të tjera. Ai intereson z. Ahmetaj që të flasë? Unë mendoj që jo. Z. Ahmetaj i intereson që të çojë mesazhe që ai edhe mund të flasë nëse kalohet masa. Je në një lojë shahu. Ti lëviz ushtarin, ai lëviz oficerin. Ti lëviz kalin, ai do të lëvizë torren. Të jesh i bindur që situata do të jetë kështu. E di nga e kam këtë siguri? E mbaj mend nga historia që publikoi video e Dritan Priftit. Përballja filloi e fortë. Po të hapej kompjuteri i Dritan Priftit, prandaj e groposën thellë”, tha Hoxha.
Discussion about this post