Në burg për korrupsion e pastrim parash, Veliaj bën sikur ‘po i plas shpirti’ për Tiranën

Kryebashkiaku i Tiranës, Erion Veliaj, edhe pse i arrestuar me urdhër të SPAK për korrupsion dhe pastrim parash, vijon të shpërndajë propagandë edhe nga qelia e paraburgimit në Durrës.

Ai thekson se dosja ndaj tij është e kopsitur “enkas”, për ta mbajtur larg punëve të kryeqytetit. Më tej, ai thotë se i gëzohet faktit që puna për ndërtimin e shkollave vijon.

“Edhe pse i burgosur pa gjyq, me një dosje të kopsitur enkas për të më mbajtur larg punëve të qytetit, puna për ndërtimin e shkollave të reja në Tiranë nuk ndalet! Shkolla e re “Edith Durham” është e 48-ta në buqetën e godinave arsimore (9-vjeçare dhe gjimnaze) që kemi ndërtuar së bashku në Tiranë, e më gëzon fakti që puna aty po vijon njësoj, me ritme të shpejta, për ta pasur gati në shtator për fëmijët. Forca!”, shkruhet në një postim në faqen e tij në “FB”.