Lear Kurti, 32-vjeçari që ndërroi jetë gjatë mbrëmjes së djeshme në spitalin e Traumës pasi ishte ndjerë keq gjatë shoqërimit në komisariatit numër 3, raportohet se ishte person me precedentë penalë.
Mësohet se, i riu njihej në zonë si përdorues dhe shpërndarës i lëndëve narkotike, ndërkohë që 10 vite më parë kishte plagosur me armë zjarri një person. Për ngjarjen e ndodhur, Kurti ka kryer disa vite burg.
Kujtojmë se 32-vjeçari nuk i ishte përgjigjur thirrjes së policisë për të ndaluar e për ti kontrolluar dokumentet dhe ishte larguar me vrap. Pas ndjekjes, ai u ndalua në rrugën “Don Bosko” dhe u shoqërua për në Komisariatin Nr. 3.
Gjatë shoqërimit i riu është ndjerë keq dhe gjendja e tij shëndetësore është përkeqësuar papritur. Më pas ai është shoqëruar drejt spitalit të Traumës, ku edhe ka ndërruar jetë. Nuk dihen ende shkaqet e vdekjes së 32-vjeçarit, ndërsa pritet ekspertiza për të dhënë një përgjigje përfundimtare.
Discussion about this post