Mjaftojnë pak minuta shi për të përmbytur lagjet apo rrugët kryesore të Tiranës. Pavarësisht se ende nuk jemi në stinën e reshjeve të shiut, vjeshtës apo dimrit, përmbytjet nxjerrin në pah infrastrukturën e dobët të rrugëve të kryeqytetit. Në rrugën” Krist Maloki” asnjëherë nuk është vënë dorë, ndaj përmbytet në mënyrë të vazhdueshme.
Banorët kërkojnë ndërhyrjen sa më parë. “E kam mbushur vetë. Punoj në ndërtim, marr bazë andej dhe mbush gropat. Kam fëmijët e vegjël. Atje bëhet pellg, futet nëpër shtëpia. Dimrit do varkë që të kalosh.”
Zhavorri që kanë hedhur nuk ka sjellë zgjidhje.Më të shqetësuarit janë prindërit me fëmijët e vegjël që kalojnë përmes gropës pasi nuk ka mundësi devijimi.
“Çdo ditë marr fëmijët në krah. 7 vjet në këtë lagje dhe asgjë nuk ka ndryshuar”.
Qytetarët thonë se u është premtuar në mënyrë të vazhdueshme që rruga e cila ndodhet përkrah fabrikës së miellit do të rregullohet.
Por pavarësisht premtimeve asnjëherë nuk është investuar, duke lënë infrastrukturën e zonës në mëshirë të kohës dhe natyrës.
Discussion about this post