Dy nga deputetët e opozitës Fatmir Mediu dhe Agron Duka, kanë propozuar Dashamir Shehin si kandidat të mundshëm për President të Republikës së Shqipërisë. Për këtë ka reaguar edhe vet Shehi, ku ka falënderuar kolegët e tij për propozimin, por shtoi se kjo mbetet një hipotezë, pasi janë dhe grupet e tjera në parlament që përfaqësojnë dhe ato opozitën që do të paraqesin emrat e tyre. Ai theksoi se nëse palët do të propozonin emrin e tij, ai do e mirëpriste, por në fund do të jetë Rama dhe mazhoranca ata që do të vendosin për zgjedhjen e Presidentit të ri.
“Janë të gjitha manovra përpara, nuk merremi ne me këtë. Ne kemi detyrimin për të propozuar një emër, unë i falënderoj, por kjo është një hipotezë politike. Në dorë e ka Rama. Të shohim kë do të propozojë PD e ndarë në dy pjesë. Nëse i pëlqej popullit opozitar le të më votojnë, por siç e thashë janë të gjitha manovra politike” – deklaroi Shehi.
Discussion about this post