Kryeministri Edi Rama është takuar këtë të shtunë me fermerë në Fier. Gjatë fjalës së tij Rama hodhi poshtë akuzat dhe tha se fshati ka patur mbështetje nga qeveria.
Ndër të tjera Rama ka shtuar se skenat e hedhjes së mollëve rrugëve janë shfaqje e një dëshpërimi që duan t’a trajtojnë si braktisje nga qeveria.
“Sot është kulmi i kontrastit me fshatin që del në tv, me skenat e hedhjes së mollëve apo të qepëve në rrugë për të bërë shfaqjen e një dëshpërimi në emër të një braktisjeje ë qeverisë që nuk ekziston. Ka një të vërtetë tjetër, që ato produkte që dalin në tv duke u hedhur dhe nuk dalin ato tjerat që eksportohen janë shëmbëlltyrë e të ndenjurit pas. Të gjithë fermerët e kanë kuptuar dhe sot synojmë 500 mln euro eksporte. Pra po synojmë të arrijmë këtë gjysmë mld eksporte frutash, perimesh. Eksporte të një Shqipërie ndryshe nga çfarë tregojnë pasqyrat e deformuara të tv që fshihen pronarë që shantazhojnë. Kemi një Shqipëri që punon dyfishin e tokës sepse ne i vendosim në dispozicion ujin”, tha Rama.
Discussion about this post