Ministri i Drejtësisë Ulsi Manja deklaroi sot në prani të ministres së Shëndetësisë Ogerta Manastirliu se në datat 27 dhe 28 nëntor të burgosurit që po vuajnë dënimin në burgun e Zaharisë do të transferohen drejt Shënkollit.
Konkretisht drejt blloqeve 2 dhe 3 të këtij burgu për të vuajtur dënimin. Në burgun e Zaharisë vuajnë dënimin të burgosurit që kanë probleme të shëndetit mendor. Ky burg do të mbyllet për shkak të të kushteve të këqija që ndodhet.
Burgu i Zaharisë ka qenë historikisht një njollë e zezë në të gjitha raportet e ndërkombëtarëve për të drejtat e njeriut në Shqipëri. Gjithashtu, ka një vendim të Gjykatës së Lartë në vend që e konsideron trajtim çnjerëzor atë që ka ndodhur në Zahari.
Burgu i Zaharisë në Krujë, që ndodhet vetëm 15 kilometra larg Tiranës, pa frikë mund të konsiderohet si burgu-ferr. Jo pak, por 230 të dënuar të izoluar në këtë burg, janë lënë të mëshirë të fatit, të braktisur nga familjet, shoqëria, shteti, por edhe gjeografia.
Discussion about this post