Ibsen Elezi, ish-kryetar i Partisë Demokratike në Kukës, ka depozituar sot dokumentet për të kandiduar për zgjedhjet që do të zhvillohen për kreun e partisë. Ai shprehet i sigurt se ka një mbështetje të madhe edhe përballë Berishës. Në një prononcim për mediat ai ka thënë se do të paraqesë një platformë të qartë për drejtimin e PD dhe kjo është një nga arsyet që pret mbështetje, pasi gjithmonë e mban fjalën dhe zbaton planin e prezantuar.
“Në këtë rast do të dal me një platformë koncize për drejtimin e Partisë Demokratike. Në rrjetet sociale kam më shumë mbështetës së kundërshtarë. Por edhe nga këta nuk ndikohem. Përderisa mendoj se kjo që po bëj është rruga e duhur. Unë kam qenë gjithmonë zë kritik. Por në nivele lokale, jo e politikës së madhe”, tha Elezi.
Ndërsa shtoi më tutje se, ai do luftojë që në këto zgjedhje primare të jetë gara e ndershme dhe pa ndërhyrje, duke marrë si shembull garën e vitit 2005. “I kam besuar shumë faktit që duhej qeverisje me duar të pastra në vitin 2005, ishte e zgjidhja më e mirë. 2005-2009 për mua ishte qeverisja më e mirë. Nga kush pres vota më 22 maj? Unë e mbaj fjalën. Se kam ndryshuar kurrë fjalën. Po e them që sot nuk pranoj asnjë lloj oferte që ndikon për ndonjë post drejtues të PD”, është shprehur ai.
Discussion about this post