Në gjendje të dehur goditi punonjësit e policisë, pranga 27-vjeçarit

Një ngjarje e rëndë ka ndodhur në Tiranë këtë të hënë, ku një persona ka goditur punonjësit e Policisë.

Bëhet me dije se autori është një 27-vjeçar, i cili në gjendje të dehur, ka goditur efektivët e policisë dhe i ka kanosur ata me një thikë.

Ngjarja ka ndodhur në rrugën “Ali Gjuzi” në Tiranë.

Njoftimi i Policisë

Specialistët për Hetimin e Krimeve të Komisariatit të Policisë Nr. 3 arrestuan shtetasin A. K., 27 vjeç, banues në Tiranë, pasi në rrugën “Ali Gjuzi”, duke qenë në gjendje të dehur, ka goditur punonjësit e Policisë dhe i ka kanosur ata me një mjet të mprehtë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.