Gazetarja e njohur Zhaklina Gjolla ka lënë shtëpinë e “Big Brother VIP”. Banorët u lajmëruan për këtë me anë të një zarfi. Brenda thuhej se Zhaklina ndodhej në gjendje të rëndë psikologjike, ku vendimi në fjalë është marrë pas konsultës me psikologun.
“Pas një gjendje të rënduar psikologjike dhe pas konsultës me psikologun, Zhaklina ka kërkuar të lërë menjëherë shtëpinë”-thuhet në zarfin e kuq që morën banorët e “BBV”.
Kujtojmë se Zhaklina ka pasur jo pak momente përplasjeje me aktoren Olta Gixhari. Olta dhe Zhaklina janë kapur keq me njëra tjetrën që në hyrjen e tyre brenda shtëpisë së famshme të BBV Albania. Mirëpo “armiqësia” e tyre vijon edhe tani në fillim të vitit 2023.
Aktorja e njohur ka thënë se Zhaklina i ka hedhur disa helme.
“Ka ardhur disa herë të më hedhë helme dhe unë nuk i kam kthyer përgjigje. Pra e durova, shkova dhe e përqafova, kshuqë mendoj se durimi ka një kufi”, ka thënë ndër të tjera aktorja Olta Gixhari.
Ajo shtoi për Amosin se nuk kërkon të flasë me Zhaklinën, pasi ai është rekomandimi i Amosit, shkruan tch.
Që nga nga nata e parë e spektaklit te BBV ka pasur një “luftë të ftohtë” mes aktores Olta Gixhari dhe moderators Zhaklina Gjolla.
Edhe pse bënë “paqe” gjatë natës së ndërrimit të vitit tensionet mes tyre janë rikthyer sërish. Madje Olta Gixhari ka paralajmëruar se “do ta shkatërrojë” Zhaklinën.
Gjatë një bisede me banorët e tjerë, ajo u shpreh se moderatorja ka ardhur të bëhet e famshme por i ka bërë llogaritë gabim, “ do rri shumë shkurt e shkreta”.
“Do ta shkatërroj Zhaklinën, mbajeni mend, Do ta shkatërroj, më vjen keq se ka ardhur të bëhet e famshme këtu, por do rri shumë shkurt e shkreta, nuk i ka bërë llogaritë mirë. Është njeriu më pa rëndësi në shtëpi, rri vetëm, asnjë nuk i afrohet. Duhet ta shikojmë që ka një gotë caji personale. Nëse do kisha pirë unë me atë gotë do shikonit spektakël nga ana ime” , tha ajo.
Discussion about this post