Ka mbetur më shumë se një javë për mbylljen e sesionit të merkatos verore dhe, normalisht fundin e një tjetër serie (ndoshta jo e fundit) të telenovelës për të ardhmen e Kylian Mbappé.
Kur gjithçka tregonte se ylli i PSG-së do të vazhdonte të paktën edhe një sezon në kampionin francez, gazeta gjermane “Sport Bild” u duk se e ringjalli çështjen.
Gjithmonë sipas shkrimit e medias gjermane, ka mundësi reale që Mbappe të vishet me të bardha këtë sezon.
Sigurisht, opsioni në fjalë kalon përmes një strategjie, që ishte rënë dakord brenda zyrave të klubit të bardhë dhe që përfshin nisjen e sulmit në mbyllje të merkatos.
Në këtë mënyrë, mbretërorët do të ofronin një shumë prej rreth 120 milionë euro dhe do të rrisnin presionin ndaj parizienëve në rast se nuk do të ndodhte rinovimi i shumëpritur i francezit, duke e penguar atë të largohej i lirë me kontratën e tij aktuale, që skadon në verën e vitit 2024.
Gazeta gjermane i bën jehonë informacionit që u shfaq në “The Times” që tregon se PSG dhe Mbappé do të kishin arritur një plan të hartuar në mënyrë që Kylian të përfundojë rinovimin e kontratës së tij dhe të përfshijë kompensimin financiar për klubin e Parisit, kur sulmuesi të largohet nga klubi.
Më pas hapet mundësia që ai të shkojë në “Bernabéu” vitin e ardhshëm. Nga Real Madridi është transmetuar gjithmonë se në të gjithë këtë çështje kanë qëndruar në prapavijë dhe pa ndërhyrë në asgjë që lidhet me problemet e Mbappes me klubin e tij, PSG.
“Sport Bild” shpjegon se një marrëveshje e supozuar me Mbappen për vitin 2024 nuk do të kishte asnjë kuptim për skuadrën madrilene duke marrë parasysh këtë, edhe pse duhet të prisnin një sezon më shumë për të nënshkruar me yllin francez.
Te Reali tani ka nisur një ndryshim brezash brenda skuadrës me premtimet e reja, si Bellingham apo Tchouameni, ai do të detyrohej të tërhiqte librezën e çeqeve për të marrë Mbappé.
Kanë mbetur edhe pak më pak se dy javë për të ditur rezultatin përfundimtar të “telenovelës” së shumëfishtë rreth Mbappé, ajo nuk ka përfunduar.
Discussion about this post