Robert Lewandowski vazhdon të jetë në qendër të mediave më të mëdha, pasi një “telenovelë” është krijuar mes sulmuesit polak, Bayern Munich dhe Barcelonës.
Çdo ditë detaje të reja dalin rreth sulmuesit, herë në favor të skuadrës bavareze, e herë tjetër në favor të katalanasve.
Përsëri, ditën e sotme “Sport 1” ka raportuar se mes blaugraneve dhe sulmuesit polak është arritur një marrëveshje verbale për 3 sezonet e ardhshme.
Megjithatë, çdo marrëveshje mes Lewandowskit dhe Barçës, varet nga Bayerni për të negociuar një transferim këtë verë apo jo, por në Gjermani është bërë fakt i kryer se e ardhmja e Lewandowskit do të jetë në “Camp Nou”.
Discussion about this post