Në hetim për shpërdorim detyre, shtyhet seanca për Sonila Qaton

Shtyhet seanca paraprake në GJKKO ndaj ish-drejtoreshës së Autoritetit Rrugor, Sonila Qato. Vendimi u mor për shkak të mungesës së prokurorit Altin Dumani.
Seanca e radhës do mbahet me 28 dhjetor ku gjykata do vendosë nëse do kalojë apo jo për gjykim çështja ndaj ish-drejtoreshës.
Ish-drejtoresha e Autoritetit Rrugor Shqiptar, Sonila Qato, u mor zyrtarisht e pandehur nga SPAK, në tetor të këtij viti. Prokuroria e Posaçme i komunikoi asaj akuzën e “shpërdorimit të detyrës” lidhur me tenderin e ndërtimit të rrugës Kardhiq-Delvinë.