Ish-futbollisti italian, Christian Vieri është 100% i sigurt që Erling Haaland do të jetë shumë shpejt pjesë e klubit të Real Madrid.
Ish-sulmuesi ka paralajmëruar Madrilenët që të kenë kujdes, pasi norvegjezi është duke u vëzhguar edhe nga Bayern Munich.
“Kujdes, Bayern dëshiron të nënshkruajë me Haaland”-ka thënë ai.
Nga ana tjetër ‘Los Blancos’ kanë si alternative të tyre edhe kampionin e Bayern, polakun Robert Lewandowski, i cili dëshiron që të largohet nga bavarezët në drejtim të një eksperience të re.
Megjithatë Vieri këmbëngul se te Real Madrid do të kalojë Haaland dhe për këtë nuk ka dyshime.
“Epo, më është thënë se Haaland do të shkojë në Real Madrid, 100 për qind. Kështu më thonë … por nuk e di nëse është e vërtetë”-vijoi ai.
Pra kjo do të nënkuptonte që Reali të hiqte dore jo vetëm nga Lewandowski, por edhe nga talenti francez i shumëkërkuar nga ‘Los Blancos’, Kylian Mbappe./Gijotina.com
