“Ne jemi në shtëpinë tonë”, pas disa orësh, Berisha largohet nga selia e Partisë Demokratike

Ish-kryeministri Sali Berisha është larguar nga selia e Partisë Demokratike, pas konferencës që ka mbajtur në ambientet e selisë blu.

Ai pas daljes nga konferenca, ka shkuar edhe në zyrat e Forumit Rinor të Partisë Demokratike, pasi anëtarë të Forumit Rinor kanë thënë se u ishin mbyllur zyrat nga mbështetës të Bashës.

Por Berisha ishte vet në zyrat e Forumit Rinor të Partisë Demokratike i cili ka qëndruar atje dhe në dalje ka pasur një prononcim për mediat.

Teksa largohej nga selia e Partisë Demokratike, ish-kryeministri Sali Berisha tha se s’ka presion në familjen demokrate.

“Asnjë presion, s’ka presion në familjen demokrate ne jemi në asnjë mënyrë. Përkundrazi janë të ftuar të gjithë të vijnë por s’ka presione e s’ka pasur kurrë ndaj asnjë njeriu. Ne jemi në shtëpinë tonë, kur je në shtëpinë tënde, s’ke ngut!” – shtoi Berisha për mediat.