Kombëtarja shqiptare e futbollit ka fituar me rezultatin 2-0 ndeshjen kundër Polonisë, në stadiumin “Air Albania” në Tiranë, me dy gola të mrekullueshëm të Jasir Asanit në pjesën e parë dhe Mirlind Dakut në pjesën e dytë, duke i renditur kuqezinjtë në vendin e parë të grupit E me 10 pikë.
Trajneri i Kombëtares shqiptare, Silvinjo, deklaroi sot se është shumë i lumtur për këtë arritje të shkëlqyer të kuqezinjve.
“Para se të nis për ndeshjen, dua t’u bëj komplimente të gjithë tifozëve që kishim këtu në stadium. Kanë bërë një ambient të jashtëzakonshëm, na kanë ndihmuar shumë të gjithë neve, kjo është një fitore e të gjithë popullit shqiptar.
Ishte e rëndësishme të mos humbnim se ishte një nga skuadrat që luftonte deri në fund. Edhe Moldavia do të luftojë deri në fund. Është e vërtetë që e kemi punuar ndeshjen për të fituar, e dimë se ku janë të fortë, kanë histori e lojtarë të fortë. Dhe mendoj se e kemi merituar fitoren.
Ne ishim të vendosur mirë, por mungonte një pasim i fundit para. Por pas pësimit të golit të anuluar bëmë një ndeshje të mirë taktike, me shpirt e shumë zemër, atë që e kemi thënë që në ditën e parë që nuk duhet të na mungojë kurrë.
Hysaj e Mitaj nuk mundeshin të dilnin para, por varet nga kundërshtari. Kjo është një ndeshse që për të thënë disa emra ka Levan, Zielinskin, janë të fortë dhe po të zënë me 3 mbrapa të vrasin. Ishte strategji loje, padyshim.
Nëse e zgjidh ndeshjen ke 90 minuta. Nuk ishte një moment i mirë për ne në fillim. Por ndryshon ndedhja në gjysmë. Është e vërtetë që na bënë presing, ishin nën trysni se ishte një ndeshje e vështirë. Pastaj kush humbte sot i komplikohej pak situata. Edhe unë e mendoj që na bënë presing, por nuk ishin të qartë që hynin në zonë. Ishte lojë pozicionesh e mbajtje topi, jo brenda zonës, ndaj rrezikonim pak në këtë aspekt.
Sa i përket organizimit, punojmë por është pastaj edhe cilësia e lojtarëve që është e jashtëzakonshme. Është e vërtetë që kemi lojtarë të shpejtë, të fortë, që shënojnë. Uzuni, Seferi, Bajrami, Muçi e shumë të tjerë, kemi shumë lojtarë që bëjnë kundërsulm shumë të shpejtë dhe janë të aftë të shënojnë.
Pas 25 vitesh, 30 vitesh në futboll, e kuptoj që është çështje menaxhimi dhe kushdo që hyn bën mirë. Kush del duhet të dalë i lumtur. Ne me të gjithë po bëjmë një menaxhim që rrit nivelin e lojtarëve, topi hyn në këto momente se ne jemi të gjithë një.
Broja është një lojtar shumë i madh dhe urojmë që të kthehet shpejt, është në limit tani. Të shohim se ky dëmtim është i vështirë, ne do ta shohim se ai duhet të nisë të luajë me Çelsin. Nëse ka nevojë do të shkojmë ta shohim ,por mbi të gjitha është shëndeti. Nëse ai do të jetë në kondicion, do ta shohim, nuk është probleme, por t’i marrim gjërat me ngadalë.
Unë mendoj se menaxhimi i ekipit është e vërteta. U kam thënë që sot është një ditë për festë për të gjithë Shqipërinë. Janë një skuadër e fortë, kanë një histori të jashtëzakonshme dhe ne e merituam të fitonim në fushë. Por pjesa e fundit, i thashë që është e vërtetë që nuk ka mbaruar, është një grup që në fillim që kam thënë që është i vështirë. Nuk është e lehtë, kemi tre finale dhe duhet të shkojmë para dhe çdo ndeshje është një finale deri tani”, tha Silvinjo pas sfidës.
Discussion about this post