Ndërkohë që situata është tensionuar mes Rusisë dhe SHBA, presidenti i Ukrainës Volodymyr Zelensky ka lëshuar një deklaratë ku shpreh mundësinë e një pushtimi rus të Ukrainës, por duke përshëndetur fuqinë e vendit të tij.
Udhëheqësi ukrainas tha se kishte dëgjuar raportet e SHBA se Rusia mund të pushtonte të mërkurën dhe sipas tij ka gjasa që kjo të ndodh, por ata nuk kanë frikë nga lufta.
“Ne jemi të frikësuar nga lufta e madhe dhe data e pushtimit ushtarak është caktuar sërish. Kjo nuk është hera e parë, por shteti ynë sot është më i fortë se kurrë. Ne duam paqe dhe duam t’i zgjidhim të gjitha çështjet ekskluzivisht përmes negociatave”, tha ai.
Presidenti vazhdoi të parashikojë se rajonet e Donbass dhe Krimesë do të kthehen në kontrollin e Ukrainës me mjete diplomatike. Ai vlerësoi ushtrinë e Ukrainës dhe tha se ajo është shumë herë më e fortë se tetë vjet më parë. Zelensky tha se më 16 shkurt “ne do të ngremë flamuj kombëtarë, do të vendosim shirita blu dhe të verdhë dhe do t’i tregojmë botës unitetin tonë”. Ndërkohë, kujtojmë se pak më parë ambasadori rus ka paralajmëruar SHBA-të që të mos i provokojnë.
Discussion about this post