Në kërkim ndërkombëtar për drogë, arrestohet në Belgjikë shqiptari

Një shqiptar ka rënë në prangat e policisë belge, pasi akuzohet për trafik droge.

Mediat e huaja shkruajnë se në pranga ka rënë një 38-vjeçar shqiptar i shpallur në kërkim nga Greqia, dhe pritet ekstradimi i tij drejt shtetit fqinj.

Sipas mediave te huaja, shqiptari u arrestua në aeroportin e Brukselit, pak para se të udhëtonte për në Shqipëri. Ai tentoi të mashtronte punonjësit e aeroportit duke treguar dokumente false udhëtimi, por efektivët e policisë së Patrës, të cilët kishin marrë informacione për lëvizjet e tij, e kanë vënë në pranga.

Gjatë operacionit policor në Greqi, policia gjeti dhe sekuestroi më shumë se 12 kg kanabis, 483 gr kokainë, 43 gr heroinë, me vlerë 224 mijë euro.