Tre persona të shpallur në kërkim ndërkombëtar mes të cilëve njëri i dënuar me 7 vite burg janë vënë në prangat e policisë kufitare.
Sipas policisë shtetasi Rexhep Rapi (Arapi), 60 vjeç, banues në Durrës, pas verifikimit nga Interpol Tirana ka rezultuar person i shpallur në kërkim ndërkombëtar, pasi Gjykata e Apelit Genova, Itali, e ka dënuar 7 vjet burgim, për veprën penale “Organizimi i emigracionit të paligjshëm”, nga të cilat i kanë mbetur për të vuajtur dhe 4 vjet.
Ndër të tjera në pranga ka rënë edhe shtetasi Flamur Shala, 38 vjeç, banues në Zvicër, i cili pas verifikimit ka rezultuar person i shpallur në kërkim, pasi Gjykata e Rrethit Gjyqësor Kavajë e ka dënuar me 2 vjet burgim.
Gjithashtu i arrestuar është edhe shtetasi B. G., 39 vjeç, banues në Kosovë, i cili pas verifikimit nga Interpol Tirana ka rezultuar person i shpallur në kërkim ndërkombëtar nga Interpol NCB Brussels, për veprën penale “Tentativë për posedim blerje ose transport të kokainës”.
Discussion about this post