Në kërkim nga Italia, arrestohet në Durrës – Emri

Një 41-vjeçar i  shpallur në kërkim ndërkombëtar nga Italia u arrestua në Durrës në kuadër të operacionit  ndërkombëtar antidrogë, të koduar “Tornado”.

“Si rezultat i informacioneve të siguruara nga inteligjenca policore dhe të shkëmbyera me partnerët në Itali, në vijim të  operacionit antidrogë, të koduar “Tornado” mbi vendndodhjen e një shtetasi shqiptar, të shpallur në kërkim ndërkombëtar, për llogari të Italisë,  Drejtoria e Forcës së Posaçme Operacionale në Policinë e Shtetit, gjatë operacionit policor të koduar “Operacionalja 18”, kapi në Durrës  dhe vuri në pranga shtetasin Ermal Luku, 41 vjeç, banues në Manzë, Durrës, informoi sot policia e Shtetit”, njoftoi policia.

“Gjykata e Brescias /Itali me date 29.09.2024 ka lëshuar vendim “urdhër arresti ndërkombëtar” si i dyshuar për kryerjen e veprës penale “Trafikimi i lëndëve narkotike”, kryer në kuadrin e organizatës kriminale. Vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali”, shtuan të njëjtat burime.