Një 36-vjeçar është dorëzuar vetë në policia pasi u shpall në kërkim ndërkombëtar nga autoritetet italiane.
Ai akuzohej për veprat penale “Organizatë kriminale” dhe “Trafikimi i narkotikëve”. Interpol Tirana ka nisur procedurat për ekstradimin e tij.
“Më datë 24.04.2023, në Komisariatin e Policisë Nr. 2 është vetëdorëzuar shtetasi R.(L). P., 36 vjeç, banues në Yzberisht, Tiranë, i cili ishte shpallur në kërkim ndërkombëtar, pasi autoritetet gjyqësore italiane kanë lëshuar ndaj tij, urdhër arrestin për veprat penale “Organizatë kriminale” dhe “Trafikimi i narkotikëve””, njoftoi policia.
Discussion about this post