Nipi i bossit të Catanias Turi Cappello, Niko Pandetta u arrestua nga Policia e Milanos. Tani ai do të vuajë një dënim me burg 4 vite, pasi akuzohet për trafik droge dhe evazion.
Pas publikimit të lajmit në media, reperi kishte mundur të fshihej, por u gjurmua në zonë. Në momentin e arrestimit Pandetta kishte me vete 12 mijë euro.
Në ditët që humbi gjurmët, reperi flinte në një dhomë të marrë me qira nga menaxheri i tij, një 33-vjeçar me origjinë shqiptare, i cili ndodhej me të mëngjesin e sotëm, në momentin e arrestimit.
Gjithashtu me reperin kishte dhe një 38-vjeçar. Të dy po hetohen nga policia, shkruan Tg Com.
Ditët e fundit, Gjykata e Lartë kishte rrëzuar ankesën e avokatëve të reperit, duke e bërë të formës së prerë dënimin me katër vite për trafik droge.
Këngëtari me origjinë siciliane, i lindur në vitin 1991, me banim në Milano, ishte bërë kryefjala për dy ngjarje të pakëndshme të ndodhura në vitin 2019.
Discussion about this post