Në kërkim për drogë prej tre vitesh, merr fund arratia për 3 persona në Durrës

Policia e Durrësit ka arrestuar pronarin e një lokali dhe dy persona të tjerë, të cilët ishin në kërkim që prej viti 2019. Të arrestuarit kishin përshtatur lokalin për përdorim dhe shpërndarje droge.

Uniformat blu bëjnë me dije se të arrestuarit janë A. E., 28 vjeç, L. K., 35 vjeç dhe B. Ç., 63 vjeç, të tre banues në Durrës.

Gjykata e Rrethit Gjyqësor Durrës ka caktuar ndaj këtyre 3 shtetasve, masën e sigurisë “Arrest në burg”, për veprat penale “Përshtatja e lokalit për përdorim droge” dhe “Prodhimi dhe shitja e narkotikëve”, pasi në bashkëpunim me njëri-tjetrin, në vitin 2019, përshtatën një lokal përdorim dhe shpërndarje të lëndëve narkotike. Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.