Bashkia e Lezhës ka shkarkuar nga detyra e kreut të Njësisë Administrative Ungrej, Gëzim Kolën, pasi është në kërkim për kultivim të lëndëve narkotike. Në vend të tij është emëruar Agostin Zefi.
Për Kolën, pak ditë më parë gjykata e Lezhës dha masën e sigurisë arrest me burg në mungesë. Gëzim Kola po kërkohet nga policia, pasi në njësinë që administron u gjetën parcela me kanabis.
Në zonën e Kashnjetit, u identifikuan bimët narkotike disa muaj më parë. Po ashtu është arrestuar Zef Boci dhe është shpallur në kërkim Gjergj Ndreca, nën akuzën e kultivimit të lëndëve narkotike.
