Ditën e sotme policia e Vlorës ka finalizuar operacionin e koduar “Mazhar”. Në pranga ka rënë një 53-vjeçar i cili ishte dënuar më herët me 3 vite burgim për mbjellje të lëndës narkotike kanabis.
I arrestuari Baski Mustafaraj raportohet se kishte mbjellë një sipërfaqe toke në pronësi të tij në fshatin Mazhar në Kotë të Vlorës në vitin 2014.
Sakaq, materialet i kaluan Prokurorisë, për veprime të mëtejshme procedurale.
Njoftimi i policisë:
Vlorë/Finalizohet operacioni policor i koduar “Mazhar”.
Operacion i zhvilluar nga Komisariati i Policisë Vlorë dhe Stacioni i Policisë Selenicë, mbështetur dhe nga Forca e Posaçme “Shqiponja”.
I shpallur në kërkim për kultivim të bimëve narkotike, kapet dhe vihet në pranga 53-vjeçari.
Në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, nga strukurat e lartpërmendura, bazuar dhe në inteligjencën informative, për vendndodhjen e një shtetasi në kërkim, është organizuar dhe finalizuar me sukses operacionin policor i koduar “Mazhar”, në kuadër të të cilit, u bë kapja dhe ndalimi i shtetasit:
Baki Mustafaraj, 53 vjeç, banues në fshatin Mazhar, Kotë, Vlorë.
53-vjeçari ishte shpallur në kërkim pasi Gjykata e Shkallës së Parë Vlorë e ka dënuar me 3 vite burgim, për veprën penale “Kultivim i bimëve narkotike”. Ky shtetas, në vitin 2014, ka kultivuar bimë narkotike kanabis, në një sipërfaqe toke në pronësi të tij, në fshatin Mazhar, Kotë.
Materialet i kaluan Prokurorisë, për veprime të mëtejshme procedurale.
Discussion about this post