Në kërkim për plagosje dhe grabitje, kapen dy shqiptarë në Kakavijë

Dy shqiptarë janë ndaluar në pikën kufitare të Kakavijës pasi ishin në kërkim nga shteti grek për grabitje dhe plagosje me dashje.

Mësohet se, një shtetas është ndaluar në tentativë për të hyrë në Shqipëri, pasi rezultoi se ishte në kërkim nga Interpol Tirana, i dënuar me 3 vjet heqje lirie për “plagosje të rëndë me dashje”.

Po ashtu është ndaluar një tjetër shqiptar në tentativë për të hyrë në territorin tonë pasi rezultoi person në kërkim me urdhër arresti nga Prokurori i Pireut për veprën penale “grabitje”.