Në kërkim për tentativë vrasje, arrestohet 35-vjeçari në Vaun e Dejës

Një 35-vjeçar i shpallur në kërkim për vrasje me paramendim të mbetur në tentativë është arrestuar nga policia e Shkodrës.

“Më datë 25.04.2024, në Vaun e Dejës, shtetasi Vitor Kola dyshohet se për motive të dobëta, ka tentuar të vrasë shtetasin Gj. N., 39 vjeç, duke qëlluar me armë zjarri pistoletë në drejtim të automjetit me të cilin lëvizte ky shtetas. Nga të shtënat pat vetëm dëme materiale”, njoftoi policia.

Vetë 39 vjeçari Gjek Nika, banues në Koman, kishte bërë denoncimin në polici për ngjarjen e ndodhur në orën 08:00 të 25 prillit.

Nika ishte shpallur në kërkim kombëtar, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.