Në kërkim për tentativë vrasje, arrestohet i riu – EMRI

Një 19-vjeçar, në kërkim nga policia për vrasje të mbetur në tentativë, është vënë në pranga në Mamurras.

Kur efektivët kanë shkuar për ta arrestuar, sipas bluve, Paulor Noka është munduar të largohet, por është neutralizuar.

Në makinë iu gjetën një pistoletë dhe municion luftarak që i riu mbante me vete.

“Shtetasi P. N. ishte shpallur në kërkim pasi Gjykata, në vitin 2023, i ka caktuar masën e sigurisë “Arrest në burg”, për veprat penale “Vrasja në rrethana cilësuese”, mbetur në tentativë dhe “Armëmbajtja pa leje”.  Më datë 25.03.2023, në Kurbin, shtetasi P. N. dyshohet se ka qëlluar me armë zjarri në drejtim të banesës së shtetasve K. N dhe E. N”, njoftoi policia.

Uniformat blu sekuestruan armën, municionin dhe makinën me të cilën lëvizte i riu.

Paulor Noka, më 25.03.2023, në Kurbin, ka qëlluar me armë zjarri në drejtim të baneses së shtetasve K. N dhe E. N., pasi ata i kishin kërkuar të mos xhironte gomat e makinës.