Në kërkim prej gati 8 vitesh, policia e Elbasanit arreston 46-vjeçarin

Shërbimet e Forcës Operacionale të Elbasanit, falën shkëmbimit të informacionit me strukturat e Korçës, kanë kapur shtetasin Kristjan (Aurel) Spahi, 46 vjeç, banues në Korçë.

Ky shtetas ishte shpallur në kërkim, pasi Gjykata e Apelit Korçë, më datë 03 korrik 2009 e ka dënuar me 9 vjet burgim, për veprën penale “Shfrytëzimi i prostitucionit”, nga të cilat i kanë mbetur për të vuajtur dhe 7 vjet e 8 muaj burgim.

Ky shtetas i ka kaluar strukturave të Drejtorisë së Policisë së Korçës për veprime të mëtejshme.